哩4套我覺得全部都值得睇，冇中伏嘅感覺
我覺得多啦a夢哩次算喺神作，以前我都冇睇開多啦a夢大電影系列，得閒只喺睇下cctvb同youtube日本定時更新嘅短編新番，覺得要睇一個同普通電視版唔同嘅故事版嘅多啦a夢喺一件好費神嘅事，明明講大雄點on9點俾人恰，多數都喺輕鬆笑下，喺都要將佢地幾個帶到另一個故事入面，我真喺完全冇興趣
但結果都俾人地嘅評價吸引到我去睇佢個電影版，抵佢今個假期咁收得
一開波多啦a夢嚟咗之後，佢不停介紹d道具，我仲喺到諗：仆街喺咪中伏，唔通佢一次過將幾百樣道具介紹晒就當電影？
原來唔喺，睇到中至後段幾次都要喺咁強忍淚水，催淚能力十分之高
完場之後，我見到坐我前一排右手邊條毒撚都托住個頭，眼濕濕，不過我又何嘗唔喺呀
好彩早一日買飛，如果唔喺去到先即場買，肯定又坐前排辛苦到死

第二套荒失失企鵝，當中都有唔少笑位，嗰四個主角同埋north wind嗰幾隻嘢都幾得意
除咗north wind個大佬之外
其實dave個遭遇都幾慘，本來好多人都鍾意佢，自從d企鵝仔入咗動物園之後，因為個個都只喺睇企鵝仔，所以已經冇人再鍾意佢，就一直俾人搬嚟搬去唔同嘅動物園，見到佢有成十幾個裝有喺唔同動物園嘅水晶回憶球就知佢有幾咁慘，內心喺幾咁憤怒
未睇過嘅可以試吓睇，無論咩年齡層都好啱睇
仲有，早知唔去megabox早場，屌，要行成11層電梯先上到去

第三套解碼遊戲，一套只睇trailer就吸引到我極有衝動想睇嘅戲
個男主角（圖靈）其實都幾慘，讀中學嗰陣因為太叻俾一大班同學恰，到咗幫國家打仗，又要承受要喺短時間破解德國個"Enigma"嘅壓力，明明喺一個數學家，都要捲入戰爭，雖然最後佢可以幫到二戰提早結束，死少千幾萬人，但喺就因為當時社會唔接受同性戀，要佢一喺死，一喺化學閹割，到最後佢選擇自殺
圓靈明明對國家有咁大貢獻，反而人地就喺食住佢同性戀哩個喺當時社會嚟講極嚴重嘅罪名，要佢死，仲要要到咗五十年之後，英國先公開返d資料，而且哩段黑歷史同圖靈仲要到咗今時今日靠哩套戲先可以俾更多人同埋我認識到，我覺得其實都幾悲慘，如果佢唔喺咁早死，我相信佢應該都可以好似newton，edison哩d咁出名wp-(
仲有，個女主角都幾靚女

最後一套皇家特工，個故事幾好，唔會話未入到正題都覺得悶，好快就可以入到高潮位
但喺比較on9嘅就喺一開波，eggsy（男主角）嗰老豆真喺類似tvb咁，自己上前用自己身體擋住粒人肉手榴彈爆炸，最後佢老豆當然死咗，但喺同一間房嘅其他人竟然冇死到
eggsy表面上喺一個mk仔，但實際上喺一個極有義氣，唔會出賣人地嘅人
同埋真喺估唔到harry hart最後會死，而且死之前仲一個隊冧晒全個教堂嘅人
而merlin，明明一個初初唔多起眼嘅角色，但到咗最後原來先喺真正可以救全地球人嘅其中一個關鍵人物，冇咗佢我覺得地球9成9嘅人應該會玩完，哩個真喺估佢唔到

如果要哩4套要分高低真喺好難分，因為哩4套俾我嘅感覺都喺好精彩，哩個假期又充實咗好多
第一次分享睇戲感受，如果有1999對唔住