[撐林老師]警長爆粗？《蘋果》回帶睇真啲

網上流傳兩條短片，指周日旺角集會期間，有一名機動部隊警署警長疑似對示威者大講粗口。《蘋果》記者翻查當日拍攝片段，顯示該名自稱劉志偉的警長，兩次突然轉身喝出「四個音節」反撃示威者，他事後遭示威者包圍，但堅稱自己只是回應「大家咁話」。

片段所見，該名警長在登打士街附近遭大批示威者包圍，他表現得極不耐煩，示威者不停高呼「交人、交人」，更不時夾雜粗口。該名警長向示威者說：「你哋唔駛圍住我，我又無做錯嘢。」他續稱，「我都唔知咩事，係咪先，我只話講大家咁話。」

當有人形容他表現「好寸」，他即回應「寸係你講啫，我唔反對，擺上YouTube吖」。有人即時從後用手按着他肩膀，似是安撫其情緒，但他仍按捺不住，反問「即係警察就可以俾你咁樣辱罵喇喎？係咪呀？」

睇條片個警察的確兩次都係講大家咁話