識左個男人，41歲，親戚介紹嘅，我就29歲，話佢好有錢，有樓收緊租，如果結得成婚完全唔駛驚無地方住，又超好仔。咁個男人的媽媽就勁hard sell比介紹人叫我考慮。第一次同佢去街，見到佢第一眼我真係嚇左一跳，人好細粒，好矮好瘦，至多得160，我著對鞋有底已經高過佢，著平底鞋就可以平排，好啦咁樣係點，高度平排我都可以接受啦！

但佢人矮細，揹個書包大到佔晒佢背包，手捉住兩條書包帶，行路內八字腳，你想唔想像想像到係咩樣？就係成個小學生咁款，但樣就40到忟。大佬，行街姐駛唔駛揹咁大個袋。第一次去完街，佢已經再狂約我，佢好靜，幾近唔出聲，我不停諗話題，佢都係哦啊嗯，係咩咁應我，就算what's app都係咁，久而久之我就開始無癮！佢咩都同佢阿媽報告架，包括第一次出街食幾錢，有次約我食lunch我話唔好，介紹人就問返我點解唔去，我午飯得一個鐘，無理由叫佢搭車來搭車去咁港女姐！我開始覺得會唔會如果一齊左，連搞野都要同佢阿媽形容！真係好小學雞！

介紹人係咁遊說我話既然佢好仔又有錢就唔好再㨂啦、咁我打算比多次機會佢，尋日同佢去街想睇港片嘅、我係真係有鐘意嘅果出先睇唔係為睇戲而去睇，咁佢又好似唔鐘意睇，就介紹兩出西片，咁算啦佢鐘意我當就下佢，之後佢話冇咩位剩，來我呢邊睇，但要我出去買飛先，心諗幾鐘意嘅戲我都唔會特登出去買然後返來晏啲再出去，心諗你唔識上網訂飛咩（我冇信用卡，如有我一定訂），我去戲院係要搭車去嘅，來回一個鐘。食飯期間同佢討論佢想睇出西片係講xxxx架喎，佢竟然答我，下我唔知架，我話唔知點解你想睇，佢話我見正評多過差評所以想睇，我想睇果出差評多啲，我話網上意見不能作準喎。又一個扮鐘意睇西片顯得自己高尚嘅毒男！

最終睇唔成，因為佢話得旁邊位，會好辛苦，咁就去街啦，又揹住個大書包，對腳已經好幼，仲要著貼腳褲，我認我果刻真係好歧視佢好想掉轉頭就走，全程都唔出聲，得我講野，好無癮，食完餐飯佢都係冇點出聲，全程就好似花痴咁成個頭烏過來眼定定望住我，我扮見唔到，講真望人唔駛咁望嘅，之後我話走啦無野行就，佢唔係好想，見我堅持就話陪我等車去廁所，我有點無奈話唔駛啦我自己等車、其實我真係唔想再對住佢，結果佢真係夠死纏等到我上車。

返到來我決定唔再同佢聯絡，真係有錢有樓都冇用，我接受唔到另一半行出街係會比人笑果類、同埋我對佢冇任何興趣、佢平時係whats app講肉麻野我堅係毛管棟，果啲句子一睇就知討論區抄落來嘅，又話我會唔會介意陪佢食大家樂！真係超級毒男先問得出！雖然我知咁樣又比人鬧港女，但我而家終於明白，感情係冇得勉強，唔啱嘅話寧願自己一個仲好！

追過我嘅一齊過嘅都有啲外表唔太好嘅，但呢個我真係無辦法接受！有冇女仔覺得呢個男人都接受得落嘅？