第一次開post,唔多識依度既規距,有咩錯任屌
是咁的,我係個成日睇av同h漫既死毒撚
我同其他毒撚唔同既地方,就係我有一個女朋友
唔係game入面個隻,而係現實世界個隻
我都唔知點解我會有女朋友,我諗係應該佢覺得我份人夠老實掛
我真係好愛我女朋友
但係因為依一件事,搞到佢嬲左我
事源係咁既,今日,我係屋企睇緊av打緊飛機個陣時
我女朋友打電話黎,話佢屋企部電腦用唔到,叫我整返好部機
我諗係因為佢認為每個毒撚都係IT撚掛,可惜我唔係
但基於睇左十年AV同H漫既經驗,我知道幫女朋友整完電腦可以啪啪啪是常識
所以就算我唔識整電腦都頂硬上,所以我拿拿臨熄左個播放器
開個firefox出黎serach一D普遍電腦壞既成因同解決方法
話咁快就比我搵到一大堆,網絡真係一個本世紀最遠大既發明
我將D大路既解決方法抄低落張紙到,仲帶左隻洗機碟以防萬一,我係唔係好醒
好啦,急跑十分鐘,衝上女朋友屋企,禁鐘
一開門就見到我女朋友包住浴袍出黎應門
睇黎佢應該係借整電腦為由,實則上係想同我愛愛吧,我已經睇穿你了
但照劇本,我點都要整好部電腦我先可以同佢啪啪啪
所以我立即擺個最型既pose,貼住幅牆,雙手插袋,頭微微向上
冷冷地說了一句:部機...係邊到
語畢
我女朋友即刻比我既氣勢搞到面都紅唒
舉起擅抖既手指指向電腦既方向
我慢慢咁行去電腦到,冷眼一看
發現地下有一大堆零件
當時我心諗:點解地下會有咁多野架,容乜易整跌人先得架!
轉身,問一問我女朋友究竟部機壞邊忽
點知,佢竟然答我:部機未砌好,用唔到
我當堂屌一聲,原來佢所指用唔到係指部機未砌好用唔到,唔係指壞機
而地下既零件就係部機既零件...
我仲傻鳩鳩咁抄低D壞機解決方法...
但基於唔可以衰比女朋友睇
我夾硬塞唒D零件落部機到,砌到最尾仲多出左兩件零件tim!
結果當然係部機用唔到,女又啪唔到,仲要比佢省到一臉屁
我女朋友就係咁樣嬲左我
所以我係到,求全能既膠登仔
賜一D可以氹返我女朋友既方法