http://s.nextmedia.com/realtime/a.php?i=20150306&s=10829391&a=53505184

來自深圳的周小姐(左)表示，自己並不是水客，來港購物為自用。
「光復上水」行動如火如荼，上水居民、開店的老闆和水客到底又點睇？又有甚麼對策？

住在深圳的周小姐稱，不擔心周日反水貨的示威行動，全因自己並非水客，每月只來港一次購物，全部以自用為主，她強調來購物是促進香港經濟：「你唔畀我做證，我咪唔嚟囉，大陸冇得買咩。...講句唔好聽，如果唔係大陸過嚟買，睇你哋香港有幾多個人失業，睇吓你幾多舖頭閂門！」她身旁的朋友亦說：「冇生意你咪執囉，你咪冇工開囉，關我哋咩事啫！」

至於在上水住了近8年的女街坊認同，近年水貨客越來越多，致居民生活大受影響。而居於上水已10年的女街坊指，元朗的反水貨示威太激烈，希望周日的上水的示威可以和平進行。

而另一個水貨黑點巷仔街，在附近經營水果店60年的老闆劉先生兒子表示，反水貨示威可能影響生意，但他不擔心會混亂。