【本報訊】一個流淚女孩，一個跌倒的阿伯，令反水貨行動輿論大逆轉。保安局局長黎棟國指示威者行為近乎暴徒，揚言會追究法律責任，旅發局擔心香港旅遊之都的形象會一鋪清袋；被指「整喊細路」的示威者則指連日來的行動收效，各區「蝗蟲」大幅減少，周日雖曾「點錯相」，但雙非搶床位、搶學位同樣損害港人利益，強調沒有「鬧錯」，不會道歉。
記者：張嘉雯

黎棟國指激進示威者周日在街頭及商場以言語及行為滋擾和圍堵路人，是濫用表達意見的自由，予以最嚴厲譴責，「一啲破壞法律嘅行為，點可以等同於一個表達意見嘅行為呢？」警方在事件中拘捕了五男一女，包括中學生，黎棟國揚言會全面追究法律責任。
在北京，國家工商總局局長張茅指，留意到各方對水貨客反應，他指水貨客利用兩地價格差異逃避海關監管，為港人帶來不便，會從嚴查處及消除水貨等不正當行為。

旅發局憂港一鋪清袋
旅發局主席林建岳昨與國家旅遊局官員會面後指，反水貨客行動「係全世界睇到都係好擔心嘅事情」，憂香港多年建立的旅遊之都形象一鋪清袋。他指會面期間有官員問及香港是否已經不歡迎旅客，他解釋香港人「絕對唔係趕客」，但認為需要研究方法「去平衡成件事」。
本土民主前線發言人黃台仰回應稱，有成員自發參與周日遊行，他反指官員的說法偏頗，「啲水貨客嚟到香港，行李箱撞到香港人就唔譴責」。他同意「點錯相」情況的確會出現，「政府都分唔到自由行同水貨客啦」。
熱血公民成員黃洋達認為事件歸根究柢是當局沒有處理水貨客問題，「政府要諗吓，點解搞到咁仍然有咁多人支持，當中好多仲係自發行動」。他表示不介意被稱呼為暴徒，但認為政府輿論是轉移視線。

有屯門居民在接受傳媒訪問時表示，當日在公園唱歌後拉手推車離開，卻被當成是水貨客，被示威者圍罵，其間他以膠管自衞，其後音響器材全部損壞。當時身在現場的示威者阿Mo則辯稱，是該名長者言語挑釁在先，「佢係咁話我哋阻住佢，佢郁手我哋先郁手，我哋係主張勇武，但唔係盲目」。
阿Mo亦與流淚女孩之母對罵，他指當時的確誤會對方是水貨客，「我哋只係用詞錯咗，應該鬧佢雙非、自由行，本來我哋都算，叫佢走，但佢死唔肯走，話我哋係人渣，又話『你哋都係中國人』」。他明言不會道歉，「我唔會因為個細路女喊而跪低，我要講晒我嘅道理，佢真係搶我哋床位，搶我哋學位」。