【索爆人母】產後極速修身陳爽火辣三點式抱仔留倩影

http://hk.apple.nextmedia.com/enews/realtime/20150328/53577569

睇下陳爽幾咁靚！(微博圖片)

講起陳爽，一個字，好索。無論係做女嗰陣，成為人妻之後，以至家陣做埋人哋媽咪，就好似青澀「果子」慢慢變熟，0依家，真係熟到透。

靚媽陳爽去年10月19日「一索得男」，當時陳爽喺微博貼B仔Adrian側面及腳仔相，BB鼻高嘴細，同媽咪餅印一樣，相當可愛。

話咁快囝囝已經差唔多半歲大，爽爽嫁咗個金融才俊老公梁梓軒(Anthony），得閒出埠已是常識，今日陳爽就喺微博，貼咗佢出埠抱住囝囝嘅相，而重點就當然係陳爽嘅三點式啦。

陳爽着住一件火辣紅色三點式，喺泳池邊抱住囝囝，睇到陳爽啲泳照，就知道乜嘢叫做完美身形：上圍豐滿、腰肢纖幼、下圍適中，最神奇嘅係點睇都唔似生過BB嘛，除咗靚靚人妻，仲有得意囝囝，真係溫馨得嚟又索爆。

陳爽今日就以短訊表示，話呢幾張相係老公幫佢影，當時佢哋就去咗峇里出席朋友嘅婚宴，咁嗰時就喺酒店別墅影咗呢幾張相。

問到陳爽點解可以修身咁快，0依家做緊有關健康、扮靚生意嘅佢就話：「食得自家補品多嘛，哈哈哈。」咁睇嚟自己可以做埋生招牌喎。