黑色沙漠,2014年尾出嘅免費Sandbox MMORPG,配有豐富嘅內容 相當高嘅自由度同細緻嘅畫面

現時確定有韓服,日服同俄服 韓服已經正式營運 日服就封測緊 俄服就唔太清楚
聽講日服正式營運會鎖IP 要掛VPN玩
所以依家只有韓服可以玩,韓服無鎖IP,不過你要用到韓國手機去註冊,如果你自己冇,可以去淘寶之類嘅網買個AC,
入AC改返自己個email就OK
至於語言都唔駛怕唔明,有熱心人士整咗中文,英文patch,雖然只有30%到,但係基本嘢都有translate到
加上Youtube都有唔少外國人做教學,上手其實唔難

講吓隻Game
除咗MMORPG必有嘅做任打怪元素,佢都放咗多到你玩唔哂生活內容係入面
你可以開發周圍啲礦山,伐木區,農莊等地,自己/派啲NPC Workers去收集你製作要用嘅物資
你可以連結唔同村莊,唔同地區,自己設定唔同嘅貿易路線
你可以買屋,黑沙入面嘅屋有好多唔同嘅功能可以自己選擇,例如你想間屋用嚟做武器工房你就可以買間有武器工房嘅屋,黑沙所有嘅製作都要用到屋
你可以出海釣魚獵鯨,畜牧渣吓牛奶去賣都得
你可以捉野馬,幫你啲馬配種生勁馬
你可以同NPC吹水提升親密度 親密度高佢會比唔同著數你
仲有好多玩法 等緊你自己去體驗
佢都有PVP,仲有攻城戰

職業現時有六個 男嘅有用劍盾嘅戰士,用雙手斧肉搏嘅巨人,用刀同弓嘅武士
女嘅有遠程嘅弓手,遠近兼備同玩Debuff嘅魔法師 ,用召喚獸嘅馴獸師
韓服四月仲會出新角女武神(盾娘)