新手玩EU4,唔係好識玩

開波求其打,開始無耐同對面海兩個德意志小國打咗丹麥同佢d盟友一鑊,跟著先知佔領首都原來無得搶咗去,最後佔番自己d core地同埋一塊係丹麥core嘅地

跟著對面海個德意志小國俾波蘭立陶宛聯邦打,我見立陶宛仲帶埋普魯士同幾個小國咁好揪就無幫拖

過咗無耐古斯塔夫二世自己釘埋,我見無人好打,唯有又打丹麥,同英國一齊攻佔哂成個丹麥包括挪威冰島果d,原來咁樣都係得估哂全部地

唯有要佢將挪威獨立,又割咗d地俾我

跟著英國同巴伐利亞,西班牙,葡萄牙開戰,又同法國開戰,英國果時幫我打丹麥,留咗d兵係我道又唔識運番去 俾西班牙打到入本土 我用支艦隊俾同西&葡艦隊揪咗幾次,趁佢得d小艦隊先同佢地揪,最後靠搶佢地d船夾到支艦隊有成100隻 但應該都唔夠佢地支主力揪

好快英國就同巴伐利亞佢地停戰,得番法國,全滅咗佢支艦隊,但係唔夠人打法國本土,有成6萬人,但我得番萬8士兵,無錢再養多d兵

諗著打9法國係北美d殖民地,行到一半英國同佢停戰

宜家發覺唔知點打落去,錢完全唔夠得幾蚊收入,起野又起唔到,無錢招兵,下面立陶宛又太勁,想打小國但係個個都話係立陶宛/奧地利保護國