今日落街打算買個外賣飯食，我住果條街幾乎都係為左大陸人而開既餐廳，大陸人食既地方唔荒會好食或者平。
清明節得間燒味鋪開左，本來唔多想食燒味，但無得選擇，只可以入去坐低。

入到去叫左個叉雞飯多蔥，等佢上飯果時無乜野做，
咁岩個老闆同個阿伯傾計，就偷聽吓咁囉。


老闆= 阿伯=

「最近反大陸團、自由行有無影響到你地生意啊?」

苦笑「都有影響架。」

「係囉，果班仆街仔，根本多舊魚，亂咁嚟，食飽飯無屎痾!」

「咁又唔係咁講，我係支持果班反大陸旅客既人，實在太多大陸人喇。」

好不屑咁笑左一聲，「你都做唔少大陸人生意，飲水思源呀!」

「但又唔係咁講，自從大陸人多左，我利潤反而少左。」

一臉不解。

「我一個飯最多賺你十幾廿蚊，但係就俾班仆街自由行、大陸團搞到周圍啲租貴晒，
你見唔見到成條街得返我一間燒味鋪? 以前有3間，依家得一間。
藥房、朱古力鋪就多咯，因為果啲係專呃大陸人。」

「香港呢啲地方，遲早都會加租啦，佢地都係帶動經濟，俾錢你賺啫。」

「呢啲仆街客俾我都唔想賺，依依哦哦，諸多要求。帶動經濟，我呸!
如果無佢地啲租點會升得咁快，同埋呀我即使唔做喇，個業主都係以一樣租金去搵租客，
如果你要有得賺個飯就要加價，最後損失既又係邊個?」

見 無聲出加多句，「最後咪又係我地住呢頭既老街坊受苦，咪因一時之利而得不償失呀!!
你都唔想買個飯都要五十蚊仲要無野飲掛?」



真人真事，大概係咁上下意思
BTW我果邊好多仆街阿伯支持689