大家仲記唔記得上年5月發生嘅「蘭桂坊洋腸事件」?呢件事就發生喺去年5月，事緣2個美籍男遊客David同Alex去咗蘭桂坊溝港女，仲分別拍咗2條片po上網炫耀。第一條片就係一名外籍男（Alex）從港男身邊成功搶走港女;而第2條片就見到赤膊嘅David同只着短衫褲的其中一名港女躺在床上。另外，網上亦流出一張David等四人同房嘅相，兩對男女分別躺在兩張單人床上，相中仲見到疑似潤滑劑放咗喺床頭。

主角David Campbell(之前叫David Bond)今日忽然inbox《FACE》，預告自己即將回歸香港同將會上傳一段約為23分鐘嘅新片，但David無透露條片嘅詳細內容，只係話片段係之前喺香港拍攝，稍後上載，David更透露自己即將會嚟香港。

其實David喺過去呢一年都低調咗好多，自從上年嘅「蘭桂坊洋腸事件」後，David都甚少喺facebook同YouTube po有關自己溝女嘅戰績，最近喺社交平台的活動都係3月17號重新上傳一條佢同Alex之前喺香港蘭桂坊拍嘅另一條攬女錫錫片。去到今日，身在日本嘅David就po咗條同日本妹攬攬錫錫嘅短片，不過罕有地有同日本仔一齊開心合拍咁囉。究竟David條23分鐘新片講乜?好想睇喎!

食洋腸呀拿