身為一個physicist，D人好自然就會覺得你鍾意sci-fi科幻電影、小說，好似手執港英龍獅旗就係港獨份子，外國勢力、係外國讀書就係二世祖咁（本人係唔係二世祖？請你自己補腦）。更甚身邊有D親朋戚友會問你感想同當中既物理理論，好似吳若希不停係你身邊講「點解既？點解既？」



可能有點另類，或者食得牛河多啦，我其實對sci-fi又唔係話特別鐘意，故事吸唔吸引先係重點，偵探、懸疑小說先係我既至愛。不過既然咁多人話好睇，D物理又正確深入又新鮮，又有著名物理學家基普·索恩（Kip Thorne）做科學顧問，咁咪即管去睇下囉（其實《Gravity／地心引力》已經中過伏，雖然3D效果真係正，但我對呢D冇mud劇情、故事性既電影真係冇興趣，D劇情大路都我一早已經估到曬，感情描述又唔細緻唔夠touching（對我黎講））。結果睇完出戲院之後又係＿＿＿，心諗原來D人大部份真係冇基本既物理常識架？咁叫新鮮、深入？睇黎我真係應該勤力D寫下呢個blog，我地物理學家應該做多D outreach啦。不過我都應該讚下其實劇情都算ok可以接受既，雖然又唔算非常正，對物理學都起到不少宣傳作用既。