我份人成日低低能能，但都想融入下人地嘅話題圈子，不過人地無義務接受你嘅加入。我講嘢的確唔係好好，處理社交又唔係得心應手，好高超，但係我成日都竭盡所能去同人溝通，嘗試去融入人地。可惜每次嘅結果都係同人地格格不入，自己好似好礙眼咁，久而久之就放棄主動同人傾偈呀等等，因為自己就算做幾多都好換嚟嘅只有冷眼相待，被人當白癡傻仔。諷刺嘅係，你少喺佢地圈子出現喇，自己成為獨家村一份子喇，佢地又好嫌你唔合群，懶高竇咁，背地裏好多流言蜚語。近排覺得好攰，發覺每當遠離人事時都好自在，不過考完dse後就要去畢業禮，又要去謝師宴，真係唔知點好，因為都唔想對我好嘅班主任失望，佢唔想班上少一個人。