好多人都話罵戰唔好。我覺得你哋都傻嘅，人一定有唔同立場，你叫班唔妥對方嘅人坐埋一堆？ ……
任何人出現分歧，要做嘅唔係撳低佢，而係俾佢哋講清講楚，然後先可以互相理解。理解唔到就各行各路。人嘅觀點必然先由自身經歷作出發點，再考慮他人。講到以前冇罵戰，因為大家同心，將膠登擺高過自己諗法。點解而家唔得？因為回歸本性。
有人話咁好醜陋，你有何資格判斷？世上絕對嘅事唔多，更多嘅係觀點與角度嘅分歧。
膠山同膠登時報都係一堆人自己出錢出力去做嘅心血嚟。然後佢要分裂出去，就有膠登仔屌佢哋唔飲水思源又盛。我想問，講呢啲嘢嘅人，同螽斯話「要不是我們螽國……」
我理解膠登仔嘅歸屬感，覺得膠登自己有份；但膠登係私有財產嚟，最多君主立憲。有人話捐過錢所以……
人哋係募捐唔係招股啊！
仲有，膠登本身內部都出現唔同聲音，四分五裂，人哋附屬組織話想分裂出去，你哋屌，唔俾，同學聯有異曲同工。膠山內部投票，話脫！咪脫囉。你可以唔中意，可以唔睇。就咁之麻。

最後，我重新一次，冇人有資格站在他人之上判斷佢，你可以發表意見，大聲屌！所以我一樣可以出聲話我反對。然後，自以為高人一等去阻止分歧異見，係鬼！係小朝廷唔民主！
所以你可以繼續屌。
如果你話理性討論唔到，只能怪膠登仔自身不高質，但並不能制止佢哋發表己見。

另外，admin一向冇唔俾人向佢哋提出要求，因此冇犯規。而決定權在佢，所以，icon同名顏色，你可以要求佢做，但唔能夠話唔俾人/禁止admin幫人做。

最後，我想理性討論，抱歉內文咁多情緒。
我都唔中意冇機罵戰，但禁制佢哋咁做，其實係種變相嘅暴力嚟。