講明先土法壽司做法同材料一定係唔專業

材料有普通白米，壽司醋，青瓜，日本蘿蔔，蟹柳，腸仔


煲完飯之後記得趁仲有水份的時候落壽司醋，一嘜米（煉奶罐份量）落一茶匙醋就夠

因為韓式手卷的做法係唔落醋改落其他配料，我嘗試糅合日韓兩者，加左芝麻紫菜落去


將青瓜，腸仔，日本蘿蔔切絲
切青瓜之前記得要係咁易刨一刨啲皮
因為上面有少少刺，唔想咁吉就刨走佢
腸仔落水灼熟再切


正統的做法係用竹捲，但因為竹整濕之後容易發霉所以我係買膠捲
記得鋪紫菜的時候個捲上面唔可以有水
用鐵匙羹畢飯落去鋪平，再將材料擺在中間


捲好後握實十幾秒，再碌返出來
如果怕紫菜痴唔實可以喺四角揩一粒飯去，咁握的時候就會有粘力痴實

切手卷的時候記得扶住要切的部份，唔好慢慢來，快刀斬亂麻，唔係就好易散


成品



壽司醋去吉之島買12蚊300ml，夠整好多次
膠捲/竹捲就普通家品店都搵到，十蚊以內一個
整完盡量即日食晒 紫菜擺過夜會淋