女茶客問陳智思：「你太太係中央幫你娶得唔得？」 (馬泉崇攝)

律政司司長袁國強、行政會議成員陳智思；內地及政制事務局副司長劉江華早上到香港仔宣傳政改，陳智思與劉江華其後到酒樓派發政改宣傳單張，一名女茶客反問「如果你太太係中央幫你娶嘅，你如何？」她又強調香港是屬於「香港人」，不是屬於「中央香港人」，認為政府應聽港人意見，而不是只聽命中央。

陳智思在劉江華陪同下到酒樓宣傳政改，話可以一人一票選特首，女茶客張小姐向陳思智笑問「係咪真係㗎」，陳智思指社會「有爭拗唔好」，張小姐回應指「爭拗係唔好，但係應該妥協囉！」劉江華聞言隨即附和「係呀，應該妥協！」陳智思亦表示應該先踏出第一步，惟張小姐反問：「咁點解你哋唔行前一步先呢？」

陳智思隨即搬出「中央」作擋箭牌，張小姐語帶激動地說：「依家香港係我哋香港人吖嘛，唔係中央香港人吖嘛！」她又舉例指如果你太太係中央幫你娶嘅，你如何？」陳智思聞言笑說：「其實即係等如阿媽幫我揀。」張小姐則說：「NO！阿媽同阿爺唔同。」

不過，張小姐亦指「阿媽都要聽話阿爺話」，只是現時「阿爺唔相信我哋，香港人好乖㗎喎，係咪？」她認為相信中央的香港人佔大多數，中央應可放心。但陳智思就指有一少撮香港人不相信中央，張小姐回應：「我哋唔應該為咗一塊樹葉、幾塊樹葉，無咗香港呢個森林。」她認為即使真有少數人不相信中央，中央不應因此而不給予港人真正普選。

張小姐事後向傳媒表示，一直視香港為家，很愛香港。被問到如何評價陳智思表現，她就說不想批評其他人。

http://hk.apple.nextmedia.com/realtime/news/20150503/53699082