邊位四張嘢女星扮少女玩濕身？

邊個後生女咁索？仲玩埋濕身嚟引廣大麻甩宅男，查實相中人咪就係鼎鼎大名嘅東洋美魔女藤原紀香囉！
藤原紀香話晒係一代性感女神，就算年近44歲都係咁風騷，唔止為夏天演出嘅舞台劇《南太平洋之戀》性感上陣，仲不時寫blog貼自拍照滿足男fans，而佢近期又再回春，上載多張開工照，紀香姐今次要濕住身夜媽媽喺街頭取景，橫睇掂睇都唔似四張嘢，比真實年齡簡直後生咗十年！
雖然未知係手機嘅執圖app功勞定係角度問題，只見紀香姐selfie時擺出一臉自信爆棚嘅表情，就已證明佢寶刀未老。