應該有年幾無睇過港產片
對上兩套睇既所謂港產片
係上年既賭場乜春同救火英雄
呢兩套野名則港產實質大陸片
我就真係屌都廢事
而今次呢套的確真係有返d港產味

以下會有劇透






整體而言我覺得呢套戲係不過不失
有勵志既部份有笑既部份
但係未入場睇既人最好唔好當佢係笑片睇
因為佢笑位唔係好到之如，其實唔多

故事精彩既部份集中係初段
何超原本係個落魄既過氣羽毛球手
但係某日天降異像
機緣巧合下就識到一班過氣而又想打羽毛球既賊
咁就重拾左打奶毛波既鬥志
劇情上主要講佢地點訓練準備同出賽

呢套野既最中心想講既野係: 人生有好多野人係未必知道而去做，縱使結果係失敗，過程都係會令人有所得著。呢一樣野係套野入面非常清晰，清晰到係係故事中段最重要既轉捩點由鄭伊健就咁講出黎。呢樣野係我覺得套片做得最差既地方，一黎鄭伊健d戲麻麻，二黎放係套戲既中間，鄭伊健好似可以唔駛經歷任何事就領悟出道理咁，講出黎係好有型，但係就令到後半段劇情變得空洞。其實如果加入d心理變化，再將呢部份既對白如果放係故事最後個感覺就會好好多。

故事既下半段主要係講出賽既情況，導演用左大量既慢鏡同CG去表現球場既動作，甚至上連打交既時候都用慢鏡去表達，令到下半部理應係最高潮既部份變到無乜對白。而我唔滿意既地方係最尾用左整整五分鐘由沮喪變得積極，圍圈互相鼓勵，有少少拖戲既感覺。

至於如果呢套其實係想講出一d人生道理既話，我會覺得鄭伊健既心理描寫唔係好夠，一句 我想打羽毛球 就已經總括左鄭伊健係整套戲既心理狀況，中後段唔知做乜加入既愛情線亦都比 我只係想打羽毛球 呢句說話打斷左，成套野鄭伊健好似除左羽毛球之外完全無考慮過其他任何既事情，相反，劉浩龍同梁漢文都反而有多少猶豫過打羽毛球呢件事係咪真係岩。

至於笑位我就唔再多講啦，想入場睇既人，要笑自然會識笑。

總結而言，雖然我上面講既都近乎係缺點，但其實套野以港產片而言都算係唔差架啦，精彩既部份都係留返比各位入場或者買碟慢慢睇