如常放工如常搭小巴，我剛好排第16個。
上到車，我拍埋卡發現有個疑似大肚婆，一個人坐兩個人位，一個位放佢個屎忽另一位就係放佢啲餸菜再加多個手袋。
我講左句: 唔該(以表示我要坐呀嬸，你一個人坐兩個位咩料呀)
我開初都以為佢會將啲係街市買嘅餸菜放返落地，然後坐入面果個位。
豈知理想當然嘅事發生了，佢係咁易推左啲餸入少少，再係咁易坐入少少。然後我就得果容納半邊屎忽嘅空間可以坐低。係短短十秒內，車門已上，車亦開始行駛了。而我就要決定: 1# 屈就坐果半邊恩賜左嘅位 2# 開罵戰

最後我揀左3# 唔開罵戰 亦 唔會屈就坐果半邊位。而係再成個屎忽都坐晒，我比足車錢點解要得半邊位。於是我係坐低再迫一迫入去，果個女人自己都頂唔順咁迫，坐返入丁屎咁多。

疑似將為人老母嘅，連小學雞都知櫈係比人坐，都識放返低個書包落地啦。再唔係你未比兩個人錢lor。

[right][#808080]Sent from Android app by Gannet[/size=2][/#808080][/right]