社運人士、本網博客 曾浚瑛（金鷹） 在2014年「反對東北集會」被控 妨礙立法會職員罪，於審訊期間立法會職員指 曾浚瑛 「佢將條頸褪入我隻手度」。案件結果判曾罪成並判處100小時社會服務令。正當曾已執行了一半刑罰之際，案件又有新發展。

今早曾浚瑛於其個人Facebook 出文稱當他已完成過半社會服務令的同時，律政司對該案件刑罰申請上訴，認為他應被判監禁才是合適刑罰。而且他的更指律政司寄法庭信件到他住址，通知他5月19日到 高等法院 上庭，惟他本人卻沒有收到任何法庭給予相關案件的文件及判詞。

本網聯絡曾浚瑛了解事情，他稱：「其實由案件判咗之後，我已經入信申請上訴，喺表格上都提供咗地址同電話，但喺好耐都冇信收到。」他更指今日收到上庭通知信後就隨即致電到法庭秘書詢問，他稱：「我問佢點解冇文件同判詞寄嚟，但對方就話搵我唔到亦冇試過打電話俾我。又話寄信係其他部門工作唔係佢處理，之後話幫我問吓就收左線。」

對於將近完成社會服務令，律政司竟然申請覆核判刑，他表示不解及憤怒：「如果我單案上訴失敗，之後法庭又接受控方嘅判刑覆核，我好有可能做完社會服務令仲要再坐監。當然都要睇上庭同睇個官…」。曾浚瑛更指這與「一罪兩刑」沒有分別，他無奈指：「我冇直接證據話律政司同行政部門『有心玩嘢』，但係冇文件又冇判詞睇，就算聽日俾到我，唔夠一個月就要上庭，我同律師研究都冇時間喇！」最後他認為「咁樣對被告（他本人）好唔公平」。

曾浚瑛除東北案件上訴，同時他就參與佔領中環被警方因「組織未經批准集結」而預約拘捕正被調查。