「忠爺有ORDER，嚟緊三日係特首大選，同我叫晒班細嘅出嚟！」
「係！懷哥！」

我係蕭有懷，表面上我係２５歲，實際上我已經３２歲。
表面上係指用身份證嘅出生日期去計，而實際上就係…實際上囉！
雖然我班兄弟都話我表面睇落唔似２５，似３５。
對唔住，我讀得書少，唔識解釋咁複雜嘅事。

當年唔係ＤＢＢ幫我計劃好一切，再畀咁多機會我上位，今日我唔會做到ＤＢＢ首席打手，所以每次我都會盡全力效忠ＤＢＢ，而今次嘅特首大選都唔例外。

「陣間邊個想埋去票站抗議或者拉票嘅，即刻過去打鳩佢！就算未有人想拉票，都要喺附近捕住，間中嗌下口號幫鯨姐拉下票！講完！」

「請支持二號候選人黃成…」

「打佢老母臭閪！」
二號候選人係黃成池？聽啲前輩講，好似係當年露出馬腳，差啲畀人知道白鴿黨係我地嘅人嗰條柒頭？
你老母賣一次屎忽就有得入閘，早知係咁我唔做打手去賣屎忽啦，起碼我肥嘟嘟有肉地，對自己個屎忽有信心。
「唔好再打喇…我唔嗌喇」
「唔嗌咪好囉！我份人就好撚易話為架啫！你鍾意點撚樣唱今天我…我都唔撚理你！還掂都唱咗咁多年，都係咁唱架啦。唔好拉票就得喇！」
拉票嘅人畀我打到爆晒缸，嗰種感覺又嚟喇。
每次當我打人，我先會感覺到我嘅存在，啲人做嘅嘢講嘅嘢唔順眼，我就想打鳩佢。同當年我喺屋村稱霸一樣，當年屋村個阿雄串鳩我係大灰熊，我條氣唔順咪打鳩佢。就算入到小學同後嚟升到中學，我都一樣係咁生存，邊個疑似鄙視我就打佢老母臭！
呢啲人唔教訓下唔得，至少我冇返學咁多年都有睇多啦Ａ夢，胖虎係咁教我！
當年我就係咁同陳議員解釋我點解要喺屋村打人，佢聽完話好唔舒服，叫我唔好同人講喎。
之後佢就同外界講個原因唔講得，聽完會好唔舒服，估唔到以一個仆街嚟講佢又幾誠實，呢件事喺佢臨死前叫我唔好同人講，我淨係答咗佢一句「你放心上路啦」。

「今屆行政長官選舉係由李胃鯨勝出，ＤＢＢ政黨黨員已經連續３屆取得行政長官席位。」
我一路食杯麵一路聽住新聞報導，然後我諗我嘅存在究竟係為咗咩…我攞咗香城身份證之後，同以前…有咩唔同？
算啦我呢啲豬兜都係唔會諗得通，EAT完就SLEEP啦。