【FACE即時】去旅行唔沖涼
絲打：喺酒店搞同原始人冇分別

距離暑假仲有個零月，唔少人已經心思思計劃去個長旅行放鬆一下。不過又唔係人人瞓得慣「生埗」床，寧願自備床單枕頭但求一覺瞓天光。但係咁極端嘅例子你又見識過未？

有位絲打自稱「有潔癖」，好難理解情侶喺酒店親熱，因為好唔衛生，覺得佢哋唔知醜同原始人冇分別；又話每次去旅行都要自備床單，更加因為驚有針孔攝影機而唔夠膽喺廁所沖涼，所以會揀春、秋、冬天「一兩日唔沖涼唔會死」嘅季節去旅行。最誇張係樓主自言有一次同妹妹去上海玩，因為唔敢接觸酒店的床單，最後「只好用報紙鋪喺床」，搞到自己凍醒埋。相信大家同唔少網友一樣，覺得樓主講嘅嘢疑點重重，有人話「報紙居然會乾淨得過床？」、「大小便完又唔沖涼2日都叫潔癖？」、「報紙生產同運送過程都好污糟」。其實最想問樓主每次去旅行會唔會多過三日呢？驚廁所有針孔攝錄機，咁大小便點解決？



樓主自稱有潔癖，但係去旅行又打死都唔沖涼，勁矛盾喎。（網上圖片）


呢位絲打仲話情侶喺酒店親熱好似原始人咁，吓？（網上圖片）


過完海關搭完公共交通工具都唔沖涼，仲話有潔癖？（網上圖片）


大量網友都覺得樓主好有問題。（網上圖片）

http://hk.apple.nextmedia.com/realtime/magazine/20150523/53770925