http://forum10.hkgolden.com/view.aspx?type=EP&message=5856845&page=1
各位高登巴絲大家好！


我係香港高登管弦樂團 (Hong Kong Golden Philharmonia) 嘅團長 牛肺鮑魚食神 ，今次出post除左想等多啲巴絲認識我地個團之外，仲想預告一下我地團嚟緊既一個演出！


係介紹我地團之前呢，當然係要多謝高登先，因為唔係有呢個平台，我地無可能聚集到咁多人湊成呢個團。相信大家都明白人人嘅起跑線唔同，有人出自豪門、細細個已經學樂器、中小學都有樂團玩、識埋一大班音樂人；亦都有人係好大個先愛上音樂接觸樂器、身邊一個音樂人都無、咩樂團都未玩過。我地 HKG Phil 正正就係因為呢個原因成立，透過高登呢個平台我地由 2014年 11月 開始成立，2014年 11月通知完阿林早洩先生之後就密鑼緊鼓召集一班識樂器而又無機會搵埋一班人夾野巴絲去組成一個樂團；又或者以前玩開樂器，而家反工冇再玩既人。由最初得幾丁人，去到而家已經有超過 50 個團員，當中有老有嫩，有男有女，有經驗豐富嘅樂手，亦都有未玩過樂團嘅有心人。


好多人話香港係一個唔適合玩音樂既地方，身為高登仔嘅我地偏偏唔信，搵地方夾野顧然又難又貴，更加難能可貴嘅係大家真係為左一齊玩音樂而犧牲拍拖返工讀書嘅時間。論質素，我地暫時當然無得同一啲成立咗好耐嘅職業/半職業樂團相提並論，但係我地嘅目標絕對係希望全團人能夠一齊進步，提供一個平台比愛音樂嘅巴絲各展所長、享受音樂。


至於聽晚，我地將會喺尖沙咀海滂幫一位巴打佢同佢女朋友求婚……詳情唔講得咁多喇，廢事俾佢女友上高登揭穿咗就GG。今次可以用到我地嘅音樂去成全一對準新人對我地團嚟講係一個難得嘅機會，我地亦都非常感激呢位巴打咁相信我地！咁多位巴絲到時得閒經過唔介意留低聽一陣已經係對我地嘅一大鼓勵，當然，如果有意見嘅話不妨係完左成個過程之後PM我同我提出，只要係對個團有幫助而團員又同意嘅我地都會盡量去做！


最後，好希望同樣仲有心追夢嘅你唔好再猶疑，快啲上高登搵埋一班志同道合嘅巴絲一齊完夢！


踏上這無盡旅途　過去飄散消散失散花火
重燃起　重燃點起鼓舞
或許到最後沒有完美句號　仍然倔強冒險一一去征討



共勉之