早前有婚禮雜誌聘請「一腳踢」編輯，月薪出價還低於私人屋苑聘請的保安員，引起網民熱議。日前有手機程式創業公司在勞工處刊登招聘廣告，稱欲以最低工資下限、時薪32.5元聘請兼職「程式員/網站開發員」，但要求申請人除通曉兩文三語，亦要懂得多種電腦程式編寫語言，引起不少網民批評。有人諷刺指該公司是「以香港清潔工嘅價錢，打出矽谷燒鵝嘅味道」。

《蘋果》記者根據招聘廣告的聯絡資料，晚上致電該公司其中一名創辦人江先生，對方解釋因勞工處網頁必定要填寫職位工資，故填上符合法例要求的工資水平，即32.5元，但強調並非實數，原意是面議商討薪酬。但我們翻看廣告，發現公司並無此附註。

江先生又說：「我哋寫哂啲要求出嚟，只係我哋大概想對方有嘅技能，一個人都冇可能識哂，有common sense（常識）都唔會咁諗啦」。30多歲的他其後又承認經驗不足，不懂該職位的「市價」，直言記者致電後才知悉外界有如此強烈反應，但他沒料到亦不明為何此事會引起網上熱議。

該公司受訪後，另一負責人張先生隨即在facebook發聲明，向公眾致歉，稱時薪32.5元的出價並非公司原意，解釋之前負責招聘的員工放假，由另一位不熟悉的員工接手，因疏忽而引起誤會，又引述2則由他在勞工處刊登的招聘廣告，指公司招聘相同職位的全職員工時，月薪出價達8,000至1.5萬元。

「前線科技人員」facebook專頁下午率先貼出此招聘廣告。一間在大埔科學園營運、名為「APP MOCHA」的創業公司稱以時薪32.5元，聘請兼職程式員或網站開發員，編寫手機應用程式和設計網頁程式；但要求申請人修畢文憑或證書課程，除通曉兩文三語，也要懂得編寫多種電腦程式語言，包括C/C++、Visual C++、PHP/MySQL、XML等。

不少網民均不滿該公司出價還低過清潔工，即使有人應聘，寫出來的程式品質亦不會好。有網民則將該公司「有限的預算顯出無限的創意」的口號，戲謔為「就係用呢個無限創意嘅人工，去請個人番嚟做有限預算嘅project（項目）」。

【網民點睇】
Hugo Wan：咪呢啲戇X公司成日話請唔到人，要引入內地專才囉

Thinkpanda Hkhc：重要番science park，車錢都蝕埋畀佢，嗰度啲清潔阿姐，應該都唔止呢個人工

Tony Sung：新荔園請職員，時薪50至60元

Noordin Yeung：其實係廣告，邊會請到人

Tsz Ki：你出的價錢如何，你的程式也必如何

Beck Kwok：佢哋Slogan係「有限的預算顯出無限的創意」，睇嚟佢哋腦細，就係用呢個無限創意嘅人工，去請個人番嚟做有限預算嘅project

Kelly Ho：堅尼地

Ho Wa Wong：以香港清潔工嘅價錢，打出矽谷燒鵝嘅味道

http://hk.apple.nextmedia.com/realtime/news/20150531/53800028


繼續吹.jpg