有無念過懷仔仲咩突然咁順攤快捷又方便，話走就走？我覺得呢篇野寫得幾中：

六月四日，「毋忘六四」在fb洗版不夠一個上午，隨即被「懷仔遣返」搶盡風頭。一班花生友急不及待召喚小鳳姐「熱烈地彈琴熱烈地唱」。
如果你正準備回敬我一張「我最期待出現.jpg」，我會同你講，少年你太年輕了！你以為真的是「三次6，返大陸」咁簡單？抑或一班乜乜乜組織成功向懷仔施壓？
我不是懷仔肚入面條蟲，又點會知道懷仔的想法？但如果我是一個在香港逾期居留的人，如果想返大陸，亦唔需要call齊記者去影相。
我唔係柯南，唔想揣測今次係做政治show，但如果我係懷仔，我可能會諗到以下3點:
1. 行街紙變單程證
你以為自願遣返內地之後就一世留在大陸？回到內地，幹部一句「特事特辦」，又有專車接送回來香港。
到時行街紙明正言順變成單程證，政黨急急為他張羅公屋、入讀小學，再順手申請綜援......學黃子華話齋「係咁架啦～好出奇呀？」
2. 反對人士口啞啞
自細我已經學會一個道理，當你被阿媽打，最好的反應是甚麼？
A，大大聲聲駁咀，講「我冇做錯」
B，認低威，自己伸隻手等阿媽間尺打手掌
當然是B啦！以退為進永遠都是最好一招，因為可以大條道理說「我都認咗錯，仲想我點？」再加上懷仔外婆一句「天大地大，沒有容身之所」，感情分攞到盡！
日後如果再有人指責他犯法逾期留港，他會答：「我都自願遣返內地啦...」
再有人話唔好比學位學位懷仔，他又可以答：「我都自願遣返內地啦...」
如果再有人質疑不應該讓他留在香港，一定有人鬧你：「你班香港人有冇人性？人地都自願遣返啦...」
一班反對人士，只可以口啞啞！
3. 六四 vs 懷仔
由召開記者會自爆逾期居留9年，到今天足足大半個月，為何偏偏要選六月四日？你話無諗過度過，我打死都唔信！
六月四日，fb、傳媒的氣場都是「毋忘六四」，明日報紙大部分篇幅一定報道六四燭光晚會、天安門母親等等，難道放懷仔做A1？學皇阿媽話齋，夠Juicy咩？
除非是極左派報紙，已經可以預示明日的標題「無證童懷仔自願遣返內地 入境處秉公辦理」。
懷仔單程證到手在望、入境處執法有功、嫻姨姨成功幫助無證兒童。你話，還有沒有其他計劃可以做到三贏局面？整個計畫只有一個字「完美」！
不過，早前懷仔外婆曾說懷仔被父母拋棄，為何現時又出現「家人在關口迎接」的一家團聚感人劇情？相信只有柯南解答到你。

http://topick.hket.com/article/611210/?r=mcsdhn