【喊出嚟】有片千葉棒球迷開球禮求婚患癌女友驚喜狂喊

有朋友啱啱求婚成功，恭喜晒先！呢位朋友喺戲院搞求婚，都已經俾朋友叫佢浪漫殺手自由人喇，咁日本呢位求婚男呢，直情係係黐線級感動啦！25歲嘅「花島工真」，佢小學開始到o依家，16年嚟都係「千葉羅德海洋(千葉ロッテマリーンズ)」嘅球迷，o依家有拖拍，喺棒球產品製造商工作嘅佢，都一樣成日同女友嚟睇波。而佢女友「舘石彩」，之前就不幸患上「骨肉瘤(Osteosarcoma)」，做過手術同食藥治療後曾經康復，不過1個月前又再復發，知道呢個噩耗之後，佢仲同男友講：「我哋都係唔好再繼續一齊喇。」但呢番說話不但冇令花島先生灰心，仲激發佢對女友嘅愛，決定參加呢個每年一次、今年第5回嘅「I-PRIMO ×千葉ロッテマリーンズ」求婚開球禮！最後佢被揀中，喺5月31日賽事前俾女友驚喜！企喺投手板上嘅佢同女友講，如果成功三振「今江敏晃」選手，就同佢結婚，最後，曾打出72支全壘打嘅今江選手……