政改表決在即，天主教教區榮休主教陳日君樞機日前接受《蘋果》專訪，在雨傘運動後首次開腔談政改。陳樞機形容，政改方案猶如假銀紙「袋不得」，接受意味願意長期受侮辱；[#f50a41]他直言不明白年輕人的想法，擔心政改表決日會出現暴力場面，希望「後生仔唔好成日掛住升級」，相信和平的抗爭方式最終會成功，他亦呼籲市民及教友周六參加「民主苦路」，齊齊用腳步爭取普選。[/#f50a41]

政改方案即將於下周三或四表決，陳日君在訪問中表明不贊成袋住先，「梗係唔好通過囉，我要10蚊，你畀張假銀紙我，要唔要吖？你畀3蚊我，我就梗係袋住先，但張10蚊係假㗎嘛，攞嚟做乜嘢？你話仲有開放，仲有機會大家被選嘅就話啫，根本冇選擇，咁攞嚟做乜啫」。

陳日君認為京官上月底已講得非常明白，「家都講到好清楚啦，唔係袋住先，係袋一世，畀你係呢個㗎喇，你攞啦」。被問到民主派下一步應怎樣做，他說：「大家都唔知點㗎，睇吓先囉，但唔係咁就等於要袋住先，你袋住先，即係以後可以隨便侮辱我㗎喇」。

陳日君又擔心下周表決時立法會外出現暴力場面，恐有不幸的事發生，「佢（中央）家好強硬，唔會畀（真普選），我驚下次唔會咁和平，上次（雨傘）收尾都有暴力傾向，要多謝佔中三子宣傳咗成年，先可以咁和平」。他表明當日不會到立法會，「就算通過又好，否決又好，都有人會好激動，大家唔好激動」，他指按照天主教教理，在最極端的情況下可以使用武力，但現時仍未到使用武力的時候。

本周六下午2時30分，陳日君將主持天主教正義和平委員會舉辦的「民主苦路」遊行，與教友和巿民在銅鑼灣東角道起步，經灣仔軒尼詩道及金鐘添美道抵達政總。訪問結束前，陳日君說「冬天會好漫長」，呼籲港人要沉着氣堅持下去，並指：「後生仔唔好成日講升級，就算眼前見唔到效果，都唔好放棄，要相信和平爭取係會成功。」
http://hk.apple.nextmedia.com/realtime/news/20150612/53844040
我都唔明白老而不的想法