呢度唔係要討論佢哋係咪隊友, 要討論有好多POST可以討論

首先, 講幾樣前設先
1. 當而家呢場唔係大戲
2. 當佢哋冇被中共渗透
3. 當佢哋係為香港獨立而組成, 而"全國獨立"嘅意思係要令中國解體, 目的都係為咗香港獨立

用上述假設, 而家重組個故事, 同報道講嘅一致, 即係佢哋一個月前喺FB話: 如果政改通過, 就會製造流血事件
而警方睇到呢個宣告之後就去查佢哋, 因為不論佢哋講真講假, 有冇武器, 都入到不誠實使用電腦罪, 何樂而不為?
跟住就行動, 捉人, 講完

以下係想講嘅野

我想講就算成件事係咁簡單, 作為一個推動獨立嘅組織, 係咪膠咗啲

第一, 要獨立, 首先就係唔好搞恐佈主義
政改通過, 你去殺幾條友, 對獨立有咩幫助? 冇

第二, 開FB冇問題, 但係咩係可以公開講, 咩係要喺GROUP入面講, 係咪有咁難分?
理念同目標嘅野唔洗收收埋埋, 但係講到行動就要睇吓你係邊類行動先
又殺人又槍又盛, 未引到人加入行動, 先引到敵人注目, 對獨立有咩幫助? 冇
BTW, FB信唔過唔係今日嘅事, 如果真係要做啲警方有借口捉你嘅野, 發訊基地喺香港就咪鬼用FB啦

結論係, 我個人都唔會喺佢哋東窗事發之後撐佢哋

拿, 唔好問我點推動, 我識就唔洗喺度玩鍵盤
我唔認為令大多數香港人支持獨立(而且仲為此而行動, 仲要意志堅定)呢件事係行得通, 因為時間唔許可, 混溶咗畀多200年你都冇用
但係無差別攻擊或者太過少數人發動襲擊就只會得到恐佈主義嘅成效, 即係對重光黎講係冇成效
除非係中國解體, 否則都唔應該主動做啲有殺傷力嘅攻擊, 因為會變恐佈主義
當然, 如果第一槍唔係己方開嘅, 咁就第二回事啦, 正義係好重要, 武力程度只可以打平手, 而且要先畀人知道自已係屬於還擊, 只要你係被動嘅一方, 你鐘意還擊到食埋政府總部同起埋臨時政府又有咩問題
(至於需要時做唔做到假正義就睇策動者機智, 畢竟操控現在就操控過去, 操控過去就操控未來)

裝備你想準備都準備唔到幾多, 要動到群眾, 當然越簡單越好
正式軍武我覺得諗都冇用, 你唔係一支公開嘅部隊, 又組成唔到一支龐大、隱密, 而且防到滲透嘅秘密部隊
(不過如果有人喺呢個時代喺香港有咁嘅大能做到支軍事部隊, 我會想稱呼佢一聲革命家, 就算只係情報部隊已經了不得)
領軍從來唔洗人多, 但係領隊可以有好多支, 不過唔洗下下需要名或者公開, 甚至唔洗有聯繫
養精蓄銳, 諗下上述情況點對應, 點帶領群眾, 點突破
呢個係我認為對香港重光最有實際意義嘅事

利申: 我唔會支持"真普選"、我唔支持本土"派"