因為細公司，所以我同老闆好熟，
基本準時收工而老細又係公司既話，一定等埋一齊收工。

我習慣收工前去個廁所，
入到廁所好靜，同時我有個小習慣，
就係行去尿兜果時一定睇吓廁格有無人。
咁我一路行一路望，全部綠色，無人，
正當我痾緊尿果時，突然聽到有抆廁紙既聲，
當時我仲未發覺有乜問題，然後我洗手果時先驚覺，
屌?! 乜啱啱有廁格係紅色咩? 我手都無抹乾，即刻衝咗出廁所。

點知我老細係門口等我，原來佢都要去廁所，
因為我攞咗條匙，就係門口等我。
呢個時候我嚇到企定定係門口等我老細，
我老細去咗勁耐，睇怕係去大。

跟住一齊離開公司，行去車站既時候，
我問佢啱啱去廁所有無聽到聲，
佢話聽到有人係到咳同抆廁紙既聲，
佢仲笑住話我痾完條友仔仲係到咳，唔知係到做乜...

我當時即刻
屌，我以後都唔知點面對個廁所