是咁的 先請各位巴打唔好誤會 我唔係幫雨傘革命打飛機
亦唔係想講自己幾撚威幾撚把砲
對比起其他人 我只係渺少得如一條撚毛既存在

過左大半年有多 有幾個人既事情我真係無法忘懷
時不時 係腦海裡就會浮現佢地既容貌
所以襯得閒 亦想抒發下內心既激盪

第一位想講既人兄 我同佢相遇 就係爆發雨傘革命既第一晚
－２０１４。０９。２８－晚上約九點
係黑警掟催淚彈之後既幾個鐘 夏慤道上6條行車線仍然企滿人
市民只有貧乏既裝備 保鮮紙包眼 口罩加濕毛巾
隔幾十分鐘黑警就會無端端上裝 緊張既氣氛令在場無人會談笑風生

當時係最前排 同D黑警對峙耐左 人攰了
安坐係近警察總部對出 灣仔方向 有架死左火既新巴後面
因為個到係另一條小路 以防中間既民眾被包抄 當時亦有唔少人守住個個位

當時有一位穿黑身T-SHIRT既男生 坐係我地隔離