http://hk.apple.nextmedia.com/realtime/news/20150625/53896587

公民黨黨魁梁家傑指，特首辦主任邱騰華今早約11時曾致電他，指特首梁振英想下午5時「同公民黨傾吓計」。梁家傑問過其他黨員，「由於佢通知的時間太過短嘞，我問完後，發覺大部分議員5點鐘都唔得，咁我就覆返邱騰華，話今日恐怕無人可以去同特首傾計嘞。然後佢（邱騰華）就話呢，原來係無乜特別的議題嘅，總之特首想搵公民黨見吓面」。

梁家傑形容梁振英今日突然約見是「奇怪」和「騎呢」，亦未有下次會面時間，「佢（邱騰華）講到今日特首好似好得閒，有個空檔，叫我地去傾吓計啦咁」。梁家傑又指即使見面，也要先了解特首想與公民黨交流甚麼議題，「如果係純綷去做佢嗰個戲，實際上無乜嘢改變，咁無乜意思」。

身兼泛民「飯盒會」召集人的梁家傑又說，飯盒會代表已約見立法會主席曾鈺成下午4點半會面，屆時泛民會同步發表公開信，回應曾鈺成於政改方案表決當日，在建制派Whatsapp群組就發言策略提出意見一事。