唔知大家有冇係Facebook睇過，但今日又有新update（see #1），搞到上埋差館，真係笑到我痴線

90後教師決戰怪獸家長
22/6/2015
家長：暑期作業係兩百幾蚊，但加埋條數成差唔多三千蚊

我：下...........? 搵人補習教你個女做丫?我地學校有暑期輔導班，唔識可以拎番黎問補習哥哥/姐姐，全部都係讀緊大學O既校友，唔洗錢仲冷氣開放喎。

家長：要俾二千幾蚊人代做嘛

我：下......................

家長：我個女要去補習班興趣班遊學團，邊得閒做暑期作業啫

我：個小朋友唔想做作業定係?

家長：唔係丫佢小學年年都叫我俾佢自己做，但我想佢學多幾樣樂器嘛，所以咪搵人代做囉，所以我想請學校唔好迫我地買暑期作業啦。
仲有我地個細女今年報左美國太空人訓練營，好貴嫁！所以唔該你俾我慳左買暑期作業同代做果筆錢啦！係咁88！！！

-------------------------------------------------------------

後記：當日我搵左個同事商量，好無同校長講單CASE拆唔掂。

同事：你咁同校長講咪即係證明你D 90後垃圾，我係你我自己掏銀包幫佢買暑期作業算啦！

我：下...........

同事：下咩啫？係商業社會貼錢番工好閒嫁咋喎

我：但果D係商業社會，呢度係學校。

同事：阿90後教育商品化你讀大學果陣冇教你咩? GETTING THINGS DONE 就係宗旨！你而家工作任務係乜？

我：全班買齊暑期作業，而家差佢1個

同事：咁困難係乜？

我：個家長死都唔肯拎錢出黎買

同事：咁咪係囉，咁你拎錢出黎幫佢買，一次過滿足3個願望丫戴仔！
1.滿足你願望，佢買齊作業；
2.滿足佢願望，唔洗拎錢出黎買暑期作業；
3.滿足校長願望，成功對付怪獸家長。

我：下..但送左俾佢，佢唔做或者俾錢請槍做 ，咁又點處理呢？

同事：嗱你咁諗，你貼錢買埋暑期作業俾佢地，可能感動到佢地呢！

我：如果感動唔到呢？

同事：唔傾喇我要去同個小朋友1ON1 監考！最後補充句，我點醒你咋！你連一個學生家長扭計唔買暑期作業都拆唔掂，你肯定成世唔洗升！