每年都會喺7.1遊行製作大型道具嘅網絡電台Ragazine，今年吸睛之處唔再係乜嘢大型道具，而係負責籌款嘅一位性感索女。八方現場所見，呢位只穿Bra Top、身穿熱褲、全程露出小蠻腰嘅女子，前後均十分性感，單邊揹住一個籌款膠箱同手袋，吸金之餘更吸眼球。唔少「遊行男士」都為辣妹拍照，但佢卻冇乜笑容，只係頻頻抹汗（圖），唔通係因為天氣太熱所致？
Ragazine曾經係2013年發動100名網民一齊用氣球紮出「梁振龜」，諷刺寓所僭建嘅梁振英龜縮；去年就搞白色棺材配「靈堂街站」，寓意香港病危。今年就派員扮周融同「冧把人」，但始終唔及今次嘅性感辣妹搶鏡。

李八方