http://the-sun.on.cc/cnt/news/20150707/00681_003.html

龍運巴士新引入巴士的座位可供調校角度。

來往赤鱲角機場可使用鐵路系統外，亦可選用機場巴士，早前阿華乘搭龍運巴士時，發現有座位可作調校角度，恰好遇上前面的乘客將座椅放後，令其落車時非常狼狽，「來往機場都只係一個鐘左右，又唔係要成幾個鐘嘅長途車，都冇必要整到啲櫈可以瞓低，真係好阻出入。」

龍運巴士發言人表示，巴士車廂內各項設施的設計，如座椅及頭枕等皆由製造商長時間研究及改良，以符合實際營運需要。座椅設計的寬度、兩行之間的距離必須符合香港的法例規定，方可通過運輸署的檢查及獲發牌照。

發言人指最近引入新款豪華版巴士，設有可校座椅角度功能，座椅靠背更參照人體工學原理設計，採用軟墊承托的塑膠底皮，其厚度能配合坐姿，令乘客舒適。