「我不是早就唱了嗎⋯『全都是泡沫，只一剎的花火～』別傷心了各位⋯『股市是泡沫，如果能夠看破，有什麼難過～～』」邊個睇得咁通透？宇宙巨G.E.M.是也。

港股大時代玩完，國務院總理李克強暴力救市，只許買不許賣夠荒謬了嗎？新華社發佈市場直播文章，指內銀和兩桶油救市無效，A股上午再度大幅下跌，一度死頂升嘅滬指，今早再低開百點點，跌幅午市前再擴大；至於中港股市亦未止跌，見一個月新低。一個字：慘…詳見蘋果財經即時詳盡分析報道。

水深火熱之際，宇宙巨G.E.M.噚晚忽然彈出呢句，仲話「股市是泡沫，如果能夠看破，有甚麼難過～～」即係人哋已經水深火熱ing，你仲要抽抽水……雖然呢個世界係好多花生友，但係抽水抽到咁，唔靚之餘，反而俾人鬧:出少句聲當幫忙啦。

呢首《泡沫》，作曲作詞都係G.E.M.，只係講愛情好似泡沫一樣，點知依家自抽講到世事給你看透了咁樣樣，難怪有網民表示：「好老實講，人哋股市炒到損手爛腳跳樓咁滯，你依家講啲咁嘅嘢，就算係本身支持佢嘅都會心諗；你攞景定贈興呀？真係出少句聲當幫忙。」、「係咪睇咗股市版《泡沫》呢？查實你有無玩下咁？你有呢歌迷都有玩，你演唱會飛都係靠股票贏翻嚟嘎，好彩我呢啲無錢玩咋。」

真話，冇人鍾意聽。亦有人話:「盲目入市，全民炒股一條消息一堆人蜂擁去買。政策性股市，本來就是危機重重，再加上管理不善，無辦法唔俾人玩謝。」有人就回覆:「商人行為：為利而來，為利而往；怎會跟政策走？」

http://hk.apple.nextmedia.com/enews/realtime/20150707/53941990

又想點