香港人/港豬/藍絲就係好可憐咁用古代歷史(古代政治史軍事史)黎思考個人、社會、政府、國家。

就好似一個用手食飯而唔知人已經發明左餐具一樣既原始人。
一有問題就恐懼，只可以跑翻入原始大森林，幻想過去就係好。
由以前既美好回憶同而家對比，搵出以前同而家既分別，照翻以前咁做就係好，或者認為以前既價值係我地而家應該追求，通向幸福既路。

但係，我地所謂既歷史 (特別係中史)，教既係政治史同軍事史，但最後教翻學翻現代既理論同知識呢？ 梗係唔會咁做啦。
結果係大量人(大中華膠)用古代政治史，古代軍事史去思考個人、社會、政府、國家。
呢個可以叫做 歷史用途既超截。

就好似一個MK妹想生活好D，除左援交唔知有其他選擇。(選擇一條改善生活既路)
做多兩次搵到錢覺得揀呢條路真係改善到生活。
有一日揚左，比人笑做雞(選錯改善生活既路之惡果)，呢個MK妹開始反思，最後佢係以前既自己，發現自己原來好鍾意做愛。
佢就話：我係鍾意做愛唔係為錢。 之後心情平復繼續生活美滿。
然後同人講：呢個已經係最好既辨法。

佢唔知人地可以幫小朋友補習教琴售貨員炒股讀書，其他開心冇痛苦既方法。

學音樂既人，會學識音樂史，但最後都係學翻現代既理論同知識。
學醫/生物既人，會學識醫學/生物學史，但最後都係學翻現代既理論同知識。
學物理既人，會學物理學史，但最後都係學翻現代既理論同知識。
學藝術既人，會學藝術史，但最後都係學翻現代既理論同知識。

我唔明點解學生(特別係高中以前)要學政治史，而且係古代政治制度，古代政治意識形態同軍事或外交史。
而且係唔會最後教翻現代既政治理論同軍事理論(或者國際外交既價值觀) ，
港共梗唔想做。

而且成個社會熱衷係呢D政治史度搵唔同既價值出黎，意思搞靚個世界。

所以香港國既，所謂中史，應該變成東亞國際政治史。唔係教小朋友既野黎。

如果用翻填鴨式教育，最好教科學史，目的係比小朋友感受到科學精神，同人類社會維模式既變化，直至去到現代。(而且係必修科)
唔係教科學理論(都會略講下既)，係教一個科學精神、科學理論既建立過程，社會背景，社會對呢個理論既反應。
其實教晒都會明白成個人類進步既脈絡，唔使搞到大中華膠成個腦都天下合久必分分久必合。

先教古代希臘既一堆科學家，邏輯、悖論、推理、懷疑既思想。 (明白唔係古代人都係迷信)
去到哥白尼 開普勒 加利略 牛頓就轉教 天文、數學、物理 (感受到科學精神 VS 迷信)
到達爾文就教生物/醫學 (例如點樣發現細菌、循環系統、隨機對照雙盲測驗原則)，之後就經濟學 (例如經濟自由同自由既關係)， 之後民主自由平等公義既理論。

文化就係語文科 / 藝術科做。

我唔係指而家既人大中華膠係因為中史教育，而係覺得人總要抱住碌柱有所依靠生存落去，
有D問題每個人都會諗。渴望得到答案。
即然人人都渴望既野，我地梗係第一時間餵最update最好既野比佢。