香港局面之淺見
鄰國內鬥激烈，所以個個揾定後路，將資金、老婆、仔女都轉移哂去外國。但係鄰國近嚟同一眾西方國家達成協議，將貪污官員引渡回國，並將貪污金額嘅一部份退返去鄰國。（聽聞鄰國某官搞到想走佬去北韓。）
某一論調係：鄰國某派想推動香港「建國」，然後走佬到香港以避鄰國某黨內鬥。

但係咁嘅打算由一開始就唔現實，因為：
某派會被對家用「清除黨內判亂份子」為由全部抄家，西方國家亦只會以鄰國「黨內鬥爭」而視之。如果無西方國家支持，必須要靠武裝力量去抗衡。但係，香港係易攻難守之地，哩個option 唔work。

如果想「建國」並得到西方國家支持，少不免要製造主流民意支持嘅場面。好嘞，我當你用錢收買支持民眾。當每個臨記＄３００，搞一次５０萬人大遊行就要１億５千萬。我又當你大把錢，但係揾唔揾到咁多個臨記？
想揾真心膠支持？　鄰國某黨可以輕易昆到班盲毛農民支持，但係難以喺香港昆人（尤其年輕人）。

所以，我提出：
香港脫中（獨立又好／歸英or美又好，裏面嘅細節另議）。
籌碼係乜呢？　就係香港只會與鄰國達成單方面引渡協議。意思即係香港不會引渡鄰國疑犯返國，但係鄰國要引渡香港疑犯返港。
所以鄰國嘅國家主席落台之後，可以走佬到香港免被清算。（鄰國現時嘅國家主席出　力咁反貪清算對家。到佢落台時，你估吓鄰國嘅新任國家主席會唔會清算佢？）

講定先，如果出現「建國」／「假獨立」，香港人要用行動表示「僞建國黨／僞政權不代表我」。

［少少８卦話題：
如果香港要獨立的話，要乜制？
共和制？　定君主立憲？
我覺得君主立憲都係一個唔錯嘅選擇，因為咁樣可以提供誘因畀主事者。
另，亦可以吸引金主。事後可以批出某啲回報畀支持嘅金主。例如，批香港君王御淮賽馬會／承辦商／乜乜物物畀邊啲邊啲家族，（除非出現乜嘢大錯，如果唔係嗰啲家族唔使擔心無錢揾）。
同埋，加強凝聚力，幫助建立命運共同體。因為一國嘅君王係難以被人收買嘅。首先佢唔係做一任兩任，而係做一世。佢唔使拿拿臨揾夠，然後移民嘆世界。仲有，做得香港嘅君王，已經唔缺錢。如果我係一國嘅君王，你要我交出國王嘅權力，你估吓你開價要開幾多？　多多錢都唔夠。最後，喺外交上，國王絕對唔會覺得自　低級過外國嘅乜乜總統呀、首相呀、總理呀、國家主席呀、之類之類。］