話說，大前日去咗又一城睇《捉妖記》，故事內容大概係講從前喱個世界有人同妖，但妖被人打敗，全部走哂去森林。之後過咗若干年，舊妖王死咗，新妖王上位，佢就清理門戶，殺舊臣同埋佢老婆。但妖后有BB，所以舊臣帶住佢逃走，走走下去到一個村落，而果個村落係由一個前順天府滅妖天師所建，男主角就係佢個仔，係該村保長，但腳有殘缺，天師因某事而消失，所以佢同嫲嫲同住。而故事因前妖后來到，傳說小妖王會為世界帶來影響，人妖兩界要活捉妖后同BB而展開。而女主角係二錢天師，佢見到妖后身邊兩個隨從(曾志偉，吳君如)而跟到去村落。

首先，喱套戲係由《史力加》之父許城?所拍，不過原來佢以前幫過TVB整個套《成語動畫廊》，跟住我睇佢前星期上《今晩睇李》，佢原來好矮，得李思捷一半高（可能有某種遺傳病) 所以我估佢係將自己代入咗小妖王胡巴喱個角色。同埋你會發現佢好鐘意史力加隻耳，因為啲青蛙耳都有。

第二，喱套戲嘅主旨我諗係想表達出人心有時比妖更恐怖更邪惡，人有好的，妖也有好的。首先，人好係指，男主角同佢老豆果班，妖好係指妖后果班。壞妖係新妖王同佢手下，要剷除所有舊妖王嘅部下(陰謀論：可能陰指習大大）而壊人係指果班權貴為咗嚐鮮去大佬座塔食妖肉，同埋成立啲官府去滅妖。

然後，喱套片有好多笑位，好似曾志偉同吳君如，人同妖體格相反；小妖王不死；小妖王食人奶咬男主角lin lin...

跟住，美中不足係喱套係商業片，今集嘅終極大佬，只係新妖王條?，簡言而之，就係有續集。

接著，由於許誠?喺荷里活跟夢工場搵食，拍過《史力加》，所以佢今次喱套嘅電腦特技特效做得都幾好！美中不足係，最後一個場景，係山下啲陽光好猛，男女主角同村民，小妖王分別，啲妖精好假，無陰影同質感

之後，有湯唯客串爛賭賭場老闆娘好正，佢演啲角色雖然好普通，不過佢演到好搞笑，顛覆咗佢以前所拍嘅片

最後，女主角白白何真係好正 雖然佢係大陸人 最大問題原來佢已經31歲，有個仔啦