自雨傘革命後，「廢青」一詞成不少傳媒及作家攻擊年輕一代的武器。本報找來三位著名作家，為「抽水之神」陶傑，深受年青一代歡迎的傳媒人健吾及本土派精神領袖陳雲，訪問他們對年青人屢被標籤的看法。

有香江第一才子美譽的陶傑，抽水功力深厚且高質，他對年青人亦相當愛惜。對廢青之標籤，才子認為：「我諗做人嘅嘢唔使怕畀人標籤，我都成日畀人標籤，最緊要你自己有真材實料，有自信，同有上進心，就算畀人標籤為廢青都係暫時。」勉勵年青人不要怕被標籤作廢青，努力上進一樣可證明自己有真材實料。正所謂「廢青唔怕做，殺出新血路」。

暢銷書《來生要做日本人》之作者健吾，於面書上有不少年青人粉絲，他勉勵年青人們：「人哋鍾意講咩咪講咩囉，最緊要係你覺得自己唔係，然後你用自己嘅方法證實你唔係。」他又指作者以描述別人去寫文不是新鮮事：「好似我自己本書《來生要做日本人》咁，其實都係用緊自己文字描述一班人，建立自己作家事業。」同樣描述別人，健吾的文字卻堅持不作以偏慨全式抹黑：「就算日本人睇完都會知我唔係抹黑佢哋，唔係以偏慨全作論述。」至於其他作者的寫文手法，健吾笑言：「呢個世界有好多唔同方法去搵食。最緊要係你聽完之後覺得無道理就唔使理，有道理就廣傳。」健吾寫作手法與花生日報辦報理念一致，同樣不作抹黑，不會屈得就屈。

最後，我們找來著名學者，香港城邦論祖師爺國師陳雲，國師於書展上大方傳授如何勇武使用廢青扇。除了勇武一面外，國師亦十分愛才，對年青人十分和藹及了解：「（佢哋）都係睇唔起年青人，唔知而家世道艱難。難搵嘢做啦，升學又貴啦，學位好多畀大陸人搶，就算想移民去第二啲地方都難，你喺街度蒲都貴啦。維記都畀自由行霸晒，年青人想爆房都唔得。想唔廢都幾難，唔好話廢青，連中年人都廢啦。」不少上一代所謂社會賢達和學者只懂標籤年青一輩不求上進，然已卻不像國師了解社會。國師又勸勉年輕人要努力。

本報與3名受訪者一樣，認為年青人被杯標籤廢青時大可對批評者採：「不怕被標籤，當佢痴X線」之態度。特此我們印製廢青扇為大家打氣，扇上寫了「廢青吹不走，命運握在手。」廢青扇尚餘極少量會於書展有種文化攤位上，連同花生日報創刊號作免費派發。

特別衷心鳴謝：
陶傑 Channel
https://www.facebook.com/tokit.channel
健吾
https://www.facebook.com/kengopage
Wan Chin
https://www.facebook.com/wan.chin.75





https://www.facebook.com/PeanutsDailyHK/photos/a.1003681262998891.1073741828.1002859243081093/1017355038298180/?type=1&fref=nf