話說，前日自己一個去咗嘉禾睇《玩轉腦朋友》，一入場大部份都係啲大人帶啲細路去睇，啲細路不停叫，傾計傾劇情同埋笑。

首先，Pixar 每次一開始播正片時，都會播一段自家製作嘅短片仔，今次喱套短片係描述一個火山毒撚島嘅。一開始，火山又年輕又開心，佢見到自己附近嘅動植物，雲果啲都一雙一對，感到世界好美好，但隨著日子嘅過去，自己愈來愈老，但自己仍然一個，就好傷心！後來海底有一座年輕火山聽到佢嘅歌聲就回應佢，爆發咗上黎，不過背住咗佢，而且佢慢慢沈落海底，佢唔開心，之後年輕火山嘅力量傳到佢到，佢再次噴上來，佢終於守得雲開，係火山女女身邊，the end
P.S.個伴奏係唔知搵乜水唱，中文歌

然後，好啦，終於正式開始，故事其實好簡單，係講主人公由細到大，再到搬屋過程，同埋父母係佢地腦內所發生嘅事情。而故事主要情感角色有五個：阿樂，阿愁，阿驚，阿憎，阿怒。喱五個主要表達我地嘅感情。由一開始，女主人一出世，阿樂就跟住第一個出現，過咗5x幾秒阿愁同其他陸續出現。每次有一些回憶就會變成不同情感嘅顏色球滾入記憶庫，但由細到大都主要係黃色開心球。而有一些重大，影響發展嘅記憶球就會變成一座小島。佢地一齊經歷女主人嘅成長，直至有一人發生天番巨幅嘅變化，就係女主人全家搬屋，阿愁因為掂到重大記憶球由黃變藍，同阿樂爭執，雙雙被吸入去記憶區...

接著，我諗喱個故事主要想講，其實我地每個回憶唔一定只有開心，就算有不同情感，喜怒哀樂都係回憶，每個人都係獨一無二，當然我地有好多遺忘咗嘅回憶，有好多回憶都丟棄咗，甚至由細到大自己幻想嘅玩伴都丟棄咗，但其實喱啲每一樣都好重要，佢地每一樣都影響住你地嘅人格發展，可能每個人嘅人生會發生一啲重大嘅事情，令大家丟棄朋友，誠實，親人...但唔緊要懸崖勒馬，大家都有機會攞返自己最重要嘅一切。

最後，喱套片有啲笑位，就係佢地去到幻想區行捷徑變咗二次元；阿怒發火燒玻璃救阿樂阿愁；阿樂，阿愁，阿驚佢地亂咁㩒制...
而另外傷感位係果隻女主人幻想果隻野雖然已經被女主人遺忘咗，但佢仍然幫阿樂阿愁返總部，佢自己就快消失，都犧牲自己幫阿樂上返懸崖

評分：7-7.5/10
唔算差，可以入場/上網睇，偏向上網睇