個女仔平時都唔係咁差
但係當個女仔問佢打扮下好唔好，佢唔理
當個女仔畀人話佢柒，佢唔理，自我感覺良好

到而家個女仔識打扮，準備跟人走嘅時候，個男仔先用盡所有藉口去留人

我老友：「曾經我哋都有過開心嘅日子」

「曾經畢竟只是曾經，come on james」

我老友：「你唔係講過有stage 3，畀我同個男仔正面交峰架咩？」

「已經係年頭嘅事，當時我認真講，你呢？你只係掛住玩鞭屍，睇av。其實五月我已經識咗佢哋兩個，而家問題只係揀邊個，但係唔會係你」


我老友：「原來當初神仙講嘅係真嘅！佢一早講你呢個女人信唔過！呀！！！」

「當初唔係你帶頭趕走佢，話佢神棍嘅咩？而家為咗挽留我，連曾經批鬥嘅人都變返兄弟呀？你係咪男人嚟架？」

我老友紅都面晒

「between, 你鍾意點諗就點諗…」

而大家都知道，當女人講出呢句，即係佢已經有離開你嘅決心

我：收皮啦James, 平時就不聞不問，而家人哋走先話珍惜，食珍珠雞呀？放入口就係呀？行啦，去飲茶，你請