「美心妹妹」楊鎧凝（Celine）寫真《童萌時光》，部分相片被指意淫，最後要交俾警方處理。Celine媽媽事後堅稱輯寫真分文不收，但實情原來佢已秘密袋10萬，接拍內衣褲廣告，旨在利用本寫真做宣傳！

寫真內最引起爭議嘅就係著內褲擘髀相，Celine媽媽事後隻字不提點解個女會著內衣褲拍照。而負責拍攝嘅攝影師Ronald Lam就表示內衣褲唔係佢哋預備。

據知呢次寫真Celine媽媽真係冇收酬勞，但係有知情者透露，喺拍之前，Celine媽媽以10萬幫囡囡接咗雞仔嘜全新內衣褲廣告。Celine已經做咗雞仔嘜代言人三年，今次新合約係雞仔嘜同布甸狗聯乘合作系列，Celine媽媽答應幫個女出寫真集後，主動向品牌商提議，會喺寫真集著啲產品影生活相，當係做啲前期宣傳，之後再拍電視廣告。睇返啲寫真集相，Celine果然係著住印有布甸狗嘅內衣褲。

不過人算就不如天算，以為一石二鳥，點知禍不單行，雞仔嘜好重視形象，呢次寧願損失廣告酬金，都決定急停搵Celine拍電視廣告嘅計劃，免被牽連，相信嚟緊都唔會再合作。而Celine媽媽呢次為求甩身，隻字不提內衣褲廣告一事，呢次佢真係偷雞唔到蝕渣米。

http://video.next.hk/1325/1325ent02A_C_v2_m.mp4

http://nextplus.nextmedia.com/news/latest/20150729/236001