話說，我啱啱入場睇《神奇4俠》，我睇完之後就覺得唔值大家入場睇。第一，喱套野係番拍，理應更出色，劇情更特別，但佢冇。其二，套野冇彩蛋，獨立一套冇後續，咁入戲院做乜？

[#FF0000]劇透[/#FF0000][/size=6]
首先，戲情好簡單，就係神奇先生細個已經好聰明，已經係自己車房製造一部穿梭空間嘅機器，但冇人識欣賞。7年後係科學節一樣。但就比女主角黑人老豆睇中咗，而且明白自己以前點解穿梭失敗，主角成功。之後佢資助佢繼續硏究，咁神奇先生要搬去研究，咁丟低咗一直陪佢嘅賓(石頭人)。之後為咗硏究女主角搵咗女主角黑人細佬同另一個喱個計劃原本設計嘅人(末日博士)。但其實末日博士本身自己係反社會人格(膠登仔)，覺得人類係罪有應得，佢攞地球資源而導致毀滅，唔應該破壞其他星球，不過佢鐘意女主角，所以繼續。終於佢地研究到，咁果三個男人就諗住試新野，咁神奇先生當然冇唔記得自己個朋友啦！於是四個男人就一齊玩新機，去咗另一星球。後來出意外，末日博士比遺留係果個星球，三個男人返去，女主角為咗救佢地都奶野，各自因為昏迷前接觸到嘅事情而有該能力。之後比人捉咗去51區研究。之後到政府想軍隊有超能力，就發起2次穿梭，不過見到末日博士並返咗黎醫再比佢用部機製造黑洞破壞，但神奇4俠了結佢...

然後，陰謀論黎睇，其實套片想指出我地每個人都係末日博士，因為佢認為人類為咗享受，而不停開採資源，導致地球受破壞係意料中事，而人類想染指其他星球好可恥。不過女主角黑人老豆指出，雖然係咁，但上一代嘅破壞行為可以由我地喱一代中止並作出改變，我地可以保護地球。
另外，主角嘅目標唔係要出名，而係要發明一啲野去改變地球。套戲主要帶出，我地喱一代唔洗絕望，反而應該去作去改變去保護我地生存嘅星球，而唔係消極咁諗住等地球滅亡再搬去其他星球如此落去。

而故事亦改編咗，主角細個就話現今量子物理學可以傳送資料，所以傳送物質係有可能嘅。係咪暗示啲乜？

接著，故事亦有帶出科學家嘅辛酸，因為主角三個男人傾計時指出，第一個登陸月球嘅人係岩士唐佢地，但就冇人記得係邊個發明火箭，太空衣比佢地上月球，所以主角一行人先爭住去另一星球做第一個先出事。


之後，套戲最後講佢地話要自己研究野，去咗乜「中央城Central City」係乜地方？係咪伏筆？
冇彩蛋，同averages 冇連繋

最後，我覺得套戲有啲無聊，好英雄片公式化，而且冇乜特別，甚至不如上一部Captain做火人時果一套，女主角冇祼體睇，重有火人無啦啦變咗黑人，戲情又變咗小學，若非真係睇女主角，我覺得各位無畏哂錢入場睇了。




評語：6/10
未至於垃圾，但劇情太公式化，睇過太多次，可以留待上網自行觀看