Menclub
http://www.menclub.hk/tech/4145

Welcome to Matrix　學者指人類或活在虛擬世界

好多人都話去到2050年，超智能機械人就會取代人類統治地球，而且我哋身處嘅現實其實係被創造出嚟嘅遊戲，就好似《要聽神明的話》同《Gantz》嘅故仔一樣，我哋可能係其他文明嘅產物或者係造物者嘅模擬遊戲。最近有學者指出，目前我哋身處嘅現實都係虛構。

https://www.youtube.com/watch?v=zE7PKRjrid4

Robert Lawrence Kuhn教授喺Space.com發表一篇題目為「Is Our Universe a Fake?」嘅文章，開宗明義就係想大家諗下乜嘢係現實。科幻小說作家兼太空科學家David Brin，就以莊周夢蝶呢個故事作為比喻我哋嘅情況。佢話去到2050年時人類只會活喺電腦製造出嚟嘅虛擬世界入面，而且好有可能我哋一直都係生活喺咁嘅世界。
https://www.youtube.com/watch?v=NEokFnAmmFE

聽落咁似Matrix嘅？冇錯，事關就連牛津大學哲學家Nick Bostrom都認為Matrix嘅劇本有可能就係現實，甚至覺得大腦其實只係電腦嘅模擬工具之一。未來學家Ray Kurzweil亦表示我哋嘅宇宙，有可能只係其他宇宙嘅高中生所造嘅一場實驗。

https://www.youtube.com/watch?v=GV1B33rjh5A

雖然目前冇方法證明現實到或係咪一場實驗，但正如我哋都可以利用電腦模擬出宇宙，所以如果當宇宙係一部電腦嘅話，咁所有嘢都可以當係software。最後問大家一個問題討論下，假設我哋所處嘅世界唔係現實，而根據呢套理論下，宗教同科學家都認為呢個世界係被製造出來，咁係咪代表默認咗造物主嘅存在呢？不過現唔現實都好，我只知道聽日仲要返工，突然覺得自己是0，so sad。