話說上星期揸車去買打魚野, 做左功課, 上左google map 搵左地址同路線先架啦。

但去到間野話搬左, 都無所謂啦, 咪返歸先囉, 啊, 點知就係噤出事!!!

上車咪開gps 搵路返去囉, Ok
即刻揸到一個T 字路口位等綠燈轉右, 因為排頭位, 所以一轉燈好快又開得車, 咪踩小小油, 反正前面大直路又無車

說時遲那時快, 點解右邊有車殺緊入黎!? 後面又無車跟我既!?
右邊d 車同我都即刻一腳踩停, 睇真d 係咩事先?

頂佢個肺, 原來果度一轉彎隔5,6 個車位, 竟然即刻就係第二棧燈!!! 棧燈竟然係紅色!!!

即係點 我衝很左燈囉!!!
唔衝都衝左, 唯有慢慢安全地行埋佢, 好彩右邊既車無boot 9 我, 都好d,

但作為一個守法既良好市民, 我當時真係當堂嚇一跳, 之後原來得啖笑(好苦果隻), 事關我好驚俾佢影到我相, 之後果日返去案發現場, 睇真d, dklm, 果個陰濕位真係有部相機, 但係我又唔覺有閃燈閃我喎, 即係點 我真係好亂啊!! 啊!!!

查過衝燈要罰成350 澳紙, 扣3 分, 唉, 錢就事小, 扣分毀我清譽事大。

但咨詢左兩個 Aussie 意見, 都一致認為當時應該無影到我相, 而且到而家都未收到 bill, 理論上係無事掛 定係寄鬼失左啊?! 唉, diu

搞到我而家揸車都猶有餘悸, 踩油都唔敢踩大力小小, 入線轉彎都要望幾次, 個心情好緊張, 好似一個少女同男神告白左, 等緊男神狠狠噤拒絕, 定係俾男神一擁入懷噤既感覺噤啊!!!

個故事真係教訓我地, 特別係每一位駕駛者, 馬路上真係可以好危險, 而當中有三樣野係要特別小心既,

第一, 經常到處耀武揚威既警車
第二, 無處不在既陰濕鬼鼠相機
第三, 最重要, 最重要, 最重要, 所以要講三次, 就係馬路殺手, 軍道殺拳女司機啊!!!!!!!

我就黎痴線啦!!!