http://hk.apple.nextmedia.com/enews/realtime/20150810/54070832

https://youtu.be/lAAMTk6snfg



傳有電台主持人接聽過靈界來電，控訴生前被強姦的經歷；亦有傳廣播界有一首禁播歌，DJ們都不敢於深夜時段播放，皆因必定會有怪事發生。

今集《毛管動》的靈異故事，發生在本港一間電台。該DJ當年還是初入行，負責做深宵節目。當日，他於凌晨時分到達電台大樓，行過走廊時，聽到樓上傳出陣陣裝修聲「砰…砰…」。他不以為然，只擔心噪音會影響節目收音。DJ如常主持節目：「凌晨二至六，有我陪你度過…」不久，他點播了麥潔文的《夜夜癡纏》，怪聲又再出現「砰…砰…」

每小時搭正會有新聞時間。凌晨三點正，當報道員同事報道新聞時，DJ繼續聽到怪聲，打算提醒該同事或會影響音質，奈何換來一句：「聽眾聽不到這些怪聲的，慢慢你就會習慣」。DJ心知不妙，但深宵節目要直播到早上六點，他只好硬着頭皮繼續工作。這時，《夜夜癡纏》突然響起，怪聲越逼越近、越來越響「砰…砰…」直播室內只剩他一人，DJ會怎樣應對？節目最終能否順利完成？

1984年，電影《靈氣迫人》主題曲《夜夜癡纏》大熱，喺片中扮演女鬼嘅麥潔文順勢主唱，其幽怨、淒厲、悲情嘅歌聲，非常配合劇情。

31年後嘅今日，《夜夜癡纏》依然係話題之作，有傳佢早已成為電台禁歌，入夜後冇DJ敢播，因為一播，夜深時份嘅直播室就會變成鬼域。傳說中唔少DJ一播即撞鬼，邊個播過？邊個台嘅DJ瀨過嘢？好想知？

今集《毛管動》請嚟原唱者麥潔文(Kitman)，親述對「鬼歌」《夜夜癡纏》嘅所聽所聞。Kitman：「其中一位主持人係香港電台嘅DJ，佢播完首歌之後，喺Log紙上面寫咗三個字 — 我唔撈，箇中恐怖可想而知。另外亦有港台嘅DJ話我知，播親我呢首歌，就會有奇怪嘅事發生，例如紙張無故移動、張椅忽然搖晃咁。」

到底Kitman又有冇被《夜夜癡纏》嚇親？即去片！

《夜夜癡纏》/ 電影《靈氣迫人》主題曲
作曲、編曲：顧嘉煇
填詞：林振強
主唱：麥潔文