本港警方首度向Uber「開戰」，放蛇拘捕五名透過Uber「走白牌」司機，又高調搜查Uber兩處辦公地點。

Uber乃近年政府銳意引入的創新項目之一，支持同抱有質疑眼光嘅市民，兩邊都唔少。不過，新事物引來爭議，並唔係第一次，話說Innopage創辦人Keith Li，就喺佢facebook以internet為喻，話當年internet，都係經過「拉人封艇」，後來先至普及…
［以史為鑒］1995政府為左維護香港電訊利益，警察商業罪案調查科（CCB）突擊搜查七間ISP（互聯網絡供應商），拉人封艇。之後香港不論大小ISP用戶，都需要向香港電訊繳付每小時$1.98 PNETS費用（上網要逐個鐘計錢，好多90後都未聽過）。留意，當時上門拉人唔係重案組，係CCB。

結果：由當日起，從來都唔識上網嘅香港人都知道原來有樣嘢叫Internet咁方便，自此互聯網才真正在香港普及起來。
唔知Uber，會唔會因為呢件事，令抱有質疑眼光嘅市民，更了解Uber呢？