晨早七點半一覺醒來，如果發現自己個名，同 Ashley Madison 偷情網一百萬名慾海男女一齊落鑊、全球公開，而且同據報香港 TVB 新聞主播一齊共渡 AM730，不知有何感覺？

聽講香港偷食精英，有一萬人喎，據說仲包括政府高官、中環財經、政商精英、人大政協喎。每次服務轉介費用，二三百元，經營得在偷偷摸摸之間，有一份光明正大。

不過網絡世界，乜都會爆㷛。乜你以為，一個人如果真係用廁紙包頭，會連一張相都影唔到？人多口雜，如果有人捉姦捉入此網，又或者搞完之後發現貨不對辦，個受害人又係 CIA，咁一百萬會員就好易出事。

不過，AM 偷食網，係英美好多精英議員的樂園。榜上有名，證明有社會精英地地位、有服用偉哥之消費力、兼有性能力、有中產專業 Feel。冇份嗰個，即是冇份九月三號去北京閱兵，好冇地位、好冇面。

早知我都報名啦。


https://www.facebook.com/tokit.channel?fref=nf

才子識用facebook之後 仲好睇過佢專欄