如果只係為民生嘅，咁就收線啦，我打嘅嘢唔啱你睇。



好多人話香港人唔配有民主，好多基層連腦筍都未生埋，為少少錢出賣自己利益。

我想講，追求民主喺西方可以好簡單，但就香港嚟講，根本係解放奴隸。 香港人個個都係奴隸，每日只能為搵錢而活，基層最多睇到聽日係點，根本冇餘力睇後日。
或者有啲人會企道德高地屌呢班人唔肯爭取。

咁又要講講人性：先謀己再謀人。 ＞

每個人都想享受自己有份付出嘅成果，不過個成果唔知幾時有，如果去馬嘅就有機會連聽日都過唔到。自己都冇份，咁搵鬼去做咩？

講返正題，歸英又好，親乜都好，我嘅目的根本唔只為安居樂業，而係自己嘅事，自己話事。途中或者會先得民生而未有民主，不過我就以民主國家做目標。有啲人話我戇鳩發夢唔面對現實；屌你老母實情係咩都未爭到過，一劃都未有就話放棄。呢點正正係香港人墜落到今日咁嘅原因。

又講下奴隸，奴隸根本唔識以自身作考量基礎，因為佢哋冇自己，佢哋係屬於他人嘅動物。俾民主佢哋當然衰。奴隸就連個體為自己利益打算嘅思考方式都冇，你叫佢為自己打算都唔識，咁點可能知咩叫民主啊？

或者咁講，香港人係個小朋友，唔識為自己打算。你俾佢自己揸主意，佢可能害死自己。你搵人嚟睇住佢都無可厚非。但如果搵咗人嚟睇住佢而令佢成世都長唔大，咁咪唔得囉。