【on.cc東網專訊】 [#ff0011]歌手鄭欣宜在銅鑼灣街頭出席同志平權的快閃宣傳活動，受訪時她笑言自己並非同性戀者，然而身邊最友好的三個朋友都是男同志[/#ff0011]：「其中最好嘅朋友由中學識，見證佢同家人出櫃到慢慢建立番個關係，依家佢會同佢男朋友同家人一齊食飯，好開心佢有呢個轉變，希望可以提高大家嘅接受度。（係圈內人？）圈外。」問到她有否被女同志表白？她表示未至於表白，不過會送她禮物或請食飯，自己亦不會抗拒別人送東西給自己。

欣宜更自爆其初戀男友是男同志，現成她最好朋友，問是否與她分手後中途轉基，會否受打擊？她說：「冇乜嘢，佢一開始有同我講佢係雙性戀，咁細個覺得冇嘢，都係一樣咁玩，佢又覺得我好好可以接受佢，就有一段puppy love。（媽咪反對所以分手？）媽咪好鍾意佢，佢在世嘅最後一個聖誕，我哋三個喺屋企，我煮嘢慶祝，好Close。」問會否帶男友給對方過目？她笑言並不可以：「佢個個都鍾意，覺得好好。（驚佢搶？）唔會，有時我未覺OK，佢已經話個男仔OK，唔可以當審查。」欣宜表示期待對方返港，皆因相識多年對方從未看過自己演出，問會否再續前緣？她笑說：「唔會啦，我比唔上佢啲男友。」

另外早前她扮美人魚拍攝宣傳片，卻被指疑似走光，她表示自己做足安全措施，沒有可能走光。
http://hk.on.cc/hk/bkn/cnt/entertainment/20150912/bkn-20150912170840549-0912_00862_001.html

咁許廷鏗仲係咪佢好朋友